الموضوع: رفيقي
عرض مشاركة واحدة
  #1  
قديم 04-16-18, 12:21 AM
الصورة الرمزية rshed
rshed rshed غير متواجد حالياً
مشرف المنتديات الرياضية
 
تاريخ التسجيل: Dec 2008
الدولة: ارض المطـاليق
المشاركات: 1,767
قوة السمعة: 1
rshed is a jewel in the roughrshed is a jewel in the roughrshed is a jewel in the rough
Arrow رفيقي

.
.

رفيقي لا زهمني ماتعذر منه لو انه
بعيد الدار ياصله القدم واللي يبيه يصير

رفيقي مادخله الشك فيني واتعبه ظنه
احنه من صواديف الليالي واذكره بالخير

له انه لا دعاني ماتمنن لعنبو المنه
اقول آمر على حالي ومالي وادمح التقصير

عيوني لو يبي حتى عيوني جعلها افدنه
وجعل يمنى ترده لا بغاها تشكي التجبير

له ان وجهي معه ماينقلب بالبرد والكنه
متى ماحتاج لي يامر علي واتي بلا تأخير

مع الطيب باطيب وشرعنا التوحيد والسنه
مادام ان الردي عيشته بالدنيا بلا تأثير

دهتني ونه لا بارك الله فيك من ونه
بغت تقضي علي من وقعها يوم الثلوث عصير

تذكرت الرفيق اللي يبي فرقاي واحنه
دعت فيه الليالي في زمان الدش والتشفير

عسى الله مايواخذه بخطاه ويرحمه لانه
كريم في عطاه ولا يعرف الشح والتقصير

على رغم المآسي والذي سواه احس انه
يقدرني وانا اعزه وله في داخلي تقدير

له انه لا توفى يبشر بقوله عسى الجنه
محله وان تركه الله يعيش فما مضى في بير

وله انه لا بغاني ماتعذر منه لو انه
بعيد الدار ياصله القدم واللي يصير يصير

.
.

#شعر
راجح بن دايل المشعلي

.
__________________
.
Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1

.


رد مع اقتباس